Wednesday, 29 June 2016

GAJAR KHANE KE FAYDE (BENEFIT OF CARROT )

Gajar khane ke bahut fayde hai. kyuki gajar me vitamin A,vitamin K, fibre aadi hote hai jo hamare shareer ke liye bahut faydemand hai. ye bahut hi asaani se market me uplabhd hoti hai. aaiye jante hai iske kya kya fayde hai-





Aankhon Ke Liye Faydemand
Gajar khane se hamari aankhon ki roshni achhi rehti hai. kyuki  
gajar me vitamin A hota hai jo aankhon ke liye faydemand hota 
hai. gajar me beta carotene kafi matra me paya jata hai. jisse 
hamari aankhon ki roshni badti hai. gajar ko daily khane se 
aankhon ki roshni ko sahi kiya ja sakta hai.





Skin Ke Liye Faydemand
Daily gajar khane se hamari skin par glow aata hai. gajar me vitamin 
C aur antioxidant bhi hota hai. jo skin ko achha rakhne me sahayak 
hote hai.





Digestion Me Fayda
Gajar khane se digestion system bhi theek rehta hai kyuki gajar me 
fibre bhi hota hai. khana khane se pehle gajar ka juice pine se hazma 
theek rehta hai.





Diabetes Me Fayda
Gajar ka juice daily pine se blood sugar control rehta hai. kyuki gajar 
me carotenoids paya jata hai. jo body me sugar level ko control karta hai.




Hemoglobin Ko Badata Hai
Jin logo me hemoglobin ki kami hoti hai.unhe gajar ka juice pine chahiye. daily gajar ko istimal karne se hemoglobin ki increase kiya ja sakta hai.




Cancer Se Bachao
Gajar khane se cancer ke khatre se bhi bacha ja sakta hai. gajar me  
falcarinol compound paya jata hai. jo lung cancer,breast cancer aur 
pet ke cancer ke  khatre ko kam karta hai.





Haddiyon Ke Liye Faydemand
gajar khane se haddiyon ko bhi majbooti milti hai. gajar me calcium 
bhi paya jata hai bhale hi uski matra kam hai.




Immune System Ko Badata Hai
Gajar khane se hamare shareer ka immune system bhi majboot hota hai. 
jisse body kai tarah ki bimariyon se ladne me kargar hoti hai.




0 comments:

Post a comment