Monday, 21 November 2016

TAKIYA GALAT RAKHNE SE NUKSAN

Kharrate Aana
Jyada mota takiya rakhne se kharrate aane ki samasya aa jati hai kyuki mota takiya rakhna se gardan chin ki taraf jhuk jati hai. jisse saans sahi tarike se nahi li jati hai aur kharrate aane lagte hai. Isliye takiya na jyada patla ya na jyada mota rakhna chahiye.





Gardan Me Dard
Bahut se log bahut jyada soft takiya rakhte hai jisse gardan reedh ki haddi ek disha me nahi reh pate hai. Jisse raat me gardan galat direction me ho jati hai. Jisse gardan me dard ho sakta hai. Isliye takiye ka sahi chunav karein.




Cervicle Spondylitis Ki Problem
Takiya sahi na ho to neend na aane ki aur gardan me dard ki shikayat bani rehti hai. Hard takiya rakhne se khaskar gardan me dard ki shikayat rehne lagti hai. Yahi dard aage chalkar cervicle spondylitis ki bimari ka roop le leta hai.





Allergy Hona
Hamesha se rooi ke takiye ka chalan raha hai. Lekin kai logo ko 
rooi ke takiye se allergy hone ki shikayat ho jati hai. Aise me naak 
aur aankh me infection ki shikayat ho jati hai. Aise log fibre ka 
takiya use karke allergy se bach sakte hai.





Pimples Hona
Ji han takiya se pimples hone ka bhi khatra rehta hai. Wo isliye ki 
kai log takiye ke cover ko kai dino tak dhote nahi hai jisse cover 
ganda ho jata hai aur usme bacteria ho jate hai. Raat me usi takiye 
ka istimal karne se bacteria ki wajah se pimples ho jate hai.
\



Blood Circulation Sahi Na Hona
Blood circulation theek nahi rehta hai agar aap uncha takiya rakhte 
hai. Isse pet aur skin se judi samasya ho jati hai.





Hard/Soft Ya Chauda Takiya
Takiya aapke comfort ke hisab se hona chahiye. Jyada hard ya soft 
bhi nahi hona chahiye. Takiye ki chaudai bhi apke kandhe ke hisab 
se honi chahiye. Jisse aapke kandhe ko poora support mile. 

0 comments:

Post a comment